Rektori i Universitetit të Tiranës, Mynyr Koni ka urdhëruar se universiteti do të vijojë të qëndrojë i mbyllur deri në datën 6 dhjetor 2019.
Vendimi vjen pas situatës së krijuar nga tërmetet që kanë goditur vendin.
“Në vijim të Urdhërit nr. 21, datë 26.11.2019, duke ndjekur me shumë shqetësim dhe me shumë vëmendje situatën aktuale, tepër të rënduar edhe nga ana psikologjike, deri në qetësimin e saj dhe garantimin e sigurisë teknike të ambjenteve në të cilat zhvillohet procesi mësimor dhe më gjerë, në cilësinë e Rektorit të Universitetit të Tiranës, urdhëroj pezullimin e procesit mësimor deri në datën 6 Dhjetor 2019”, shkruan Koni në një postim në rrjetet sociale.
