Mendohej se pas largimit të Mauro Icardit, Interi do të vuante për të gjetur një zëvendësues me kualitetet dhe golat e tij.
Por Lautaro Martinez është kthyer në një investim shumë frytdhënës për skuadrën e Interit, ku së bashku me Lukakun kanë formuar një dyshe të frikshme për cilindo kundërshtar.
Në fitoren e Interit ndaj Slavias së Pragës mbrëmjen e djeshme, argjentinasi shënoi një dopietë, teksa barazoi rekordin e Eto’o dhe Christian Vieri, të vetmit në historinë zikaltër që kishin shënuar në katër ndeshje radhazi në Ligën e Kampioneve.
22 vjeçari, këtë sezon ka shënuar 11 gola në 18 ndeshje në të gjithë kompeticionet, ndërsa vitin e kaluar arriti të shënojë vetëm nëntë gola gjatë të gjithë sezonit.
