Një ditë më parë gjimnazistët e ‘Sami Frashërit’ në Tiranë sëbashku me prindërit e tyre grumbulluan ndihma për tu ardhur në ndihmë familjeve të prekura nga tërmeti.
Gjatë ditës së sotme një grup gjimnazistësh sëbashku me përfaqësues së Kishës në Laç, kanë shpërndarë ndihma ushqimore dhe veshmbathje për të gjithë banorët e Kurbinit, të cilët u prekën nga tërmeti 6.4 ballë i rënë mëngjesin e së martës.
Siç shihet edhe në fotot dhe videot e publikuara nga Boldnews.al, nxënësit e gjimnazit ‘Sami Frashëri’, kanë shkuar në çdo shtëpi dhe banesë të prekur nga tërmeti për të shpërndarë ndihma, duke dhënë dhe mesazhin e madh se në këto ditë askush nuk është vetëm.
Boldnews.al ju bën apel të gjithë shqiptarëve që në këto momente të vështira të ndihmojmë njëri-tjetrin.
