Ethimi Lekkas, një ndër sizmiologët më të mirë në Greqi ka udhëtuar drejt vendit tonë për të parë nga afër atë që po ndodh pas tërmetit tronditës të 26 nëntorit, i cili la pas viktima (deri tani 40), qindra të plagosur, qindra të pastrehë dhe dëme të shumta materiale.
Duke folur për televizionin SKAI, ai tha se ata kishin menduar se tërmeti i shtatorit ishte kryesore, por nuk rezultoi kështu. Ai deklaroi se po flasim për një përmbysje të rregullave pasi kjo që po ndodh është e pazakontë.
“Kemi dhjetëra goditje mbi 4 ballë. Kishim një mbi 5.5 ballë. Kishte një tërmet 5.6 ballë në shtator dhe menduam se ishte tërmeti kryesor. Por sekuenca është e pazakontë. Po flasim për një përmbysje të rregullave. Është e pazakontë kjo që po ndodh,” tha ai.
