Grupi H është kthyer në një betejë të vërtetë mes Ajaksit, Valencias dhe Chelseat për të siguruar dy vende që të çojnë në fazën e 1/16 të eliminimit direkt.
Mbrëmjen e djeshme, Chelsea nuk shkoi më shumë se një barazim 2-2 në transfertë ndaj Valencias,ku skuadra spanjolle kaloi në avantazh në minutën e 40-të me anë të Soler, por vetëm 1 minutë më vonë Kovaciç shënoi golin e barazimit duke e mbyllur pjesën e parë me rezultatin 1-1.
Në pjesën e dytë Pulisiç arriti të përmbysë rezultatin në favor të Chelseat, duke shënuar në minutën e 50-të. Por Gjithsesi “Blutë” nuk arritën ta ruajnë këtë rezultat, pasi Wass shënoi golin e barazimit për Valencian në Minutën e 82-të.
Ndërsa nga ana tjetër, duke përfituar nga ky barazim, Ajaks fitoi në transfertë, ndaj Lille, duke marrë kryesimin e vetëm.
Grupi H pas rezultateve të fundit, kryesohet nga Ajaksi në kuotën e 10 pikëve dhe ndiqet nga Valencia dhe Chelsea me nga 8 pikë të grumbulluara.
Gjithsesi shanset e londinezëve për tu kualifikuar janë të mëdha pasi ndeshjen e fundit e luajnë ndaj Lille në , “Stamford Bridge”, ndërsa Ajaksi dhe Valencia përballen me njëra tjetrën në “Johan Cruijff Arena”.
