AHC (Albanian Highway Concession) kompania që menaxhon “Rrugën e Kombit” ka vendosur të pezullojë taksën te tuneli i Kalimashit në Morinë.
Të gjithë makinat e Kosovës dhe individë që do dhurojnë ndihma për të prekurit nga tërmeti do të kalojnë pa pagesë.
“Kompania që menaxhon rrugen e Kombit që nga dita e djeshme ka vendosur të lejojë kalimin pa pagesë të të gjithë makinave; individëve dhe shoqatave, institucioneve të Kosovës, të Shqipërisë etj, të cilët janë solidarizuar apo që kanë sjellë e sjellin ndihma për tiu ardhur në ndihmë dhe mbështetje të prekurve nga tërmeti. Këto grupe personazhesh do të lejohen të kalojnë pa pagesë deri në përfundim të situatës emergjente” thuhet në njoftimin e kompanisë.
Kujtojmë se Kosova ka qenë një ndër ndihmësit më të mëdhenj të vendit tonë në këtë fatkeqësi, si shtet por dhe si qytetarë. Prej mesditës së djeshme prej ushtrisë së Kosovës erdhën grupe të specializuara të kërkim shpëtimit me mjete të specializuara dhe qen zbulues. Ndërkohë shteti kosovar dha 500 mijë euro si ndihmë, por dhe qytetarë të shumtë kanë dhënë kontributin e tyre për të prekurit nga tërmeti.
