Policia Kufitare e Rinasit ka vënë pranga dy persona në kuadër të operacionit të koduar “Bagazhi i vjedhur”.
Personat e vënë në pranga janë shtetasit K. M., 24 vjeç, banues në fshatin Rinas, në Fushë-Krujë dhe B. M., 60 vjeç, banues në fshatin Qerekë, në Fushë-Krujë.
Ditën e djeshme këta dy shtetas, në bashkëpunim me njëri-tjetrin i kishin vjedhur në bagazhe shtetases T. Th., 3000 euro dhe njē shumë lekësh shqiptare, njoftojnë autoritetet.
Gjatë kontrollit fizik të këtyre dy shtetasve, uniformat blu gjetën në ciliësinë e provës materiale 3000 euro dhe një sasi lekësh shqiptare.
Materialet iu referuan për veprime të mëtejshme Prokurorisë së Rrethit Gjyqësor Tiranë, për veprën penale “Vjedhja, e kryer në bashkëpunim”.
