Mbrojtësi serb i Laçit, Aleksandër Ignjatoviç, në një intervistë për “Blic Sports”, rrëfeu se kaloi një dramë të vërtetë, të papërjetuar më pare, në momentin e tërmetit mëngjesin e djeshëm.
“Kalova një natë dramatike pas ndeshjes që luajtëm ndaj Partizanit në Elbasan. Javëve të fundit ka pasur tërmete të vogla, por jo si ai i natës së kaluar. Ndodhi në orën më të keqe të mundshme, të gjithë ishin në gjumë. Ishte ora 4 pas mesnate”.
“U zgjova në panik, dhe sapo ndodhi dola nga krevati. U trondit për 20 apo 30 sekonda, dhe kjo periudhë e vogël dukej si pafundësi. Valët e tërmetit vijuan, dhe u ndjeva sikur po ndodhnin turbulenca në një fluturim ajror. Në atë moment mendova më të keqen”.
