Jao Felix fitoi çmimin “Golden Boy” për vitin 2019, ndërsa në vendin e dytë është renditur talenti, anglez, Jadon Sancho, i ndjekur nga Kai Havertz i Bajern Leverkusen.
Portugezi e fitoi këtë çmim pasi shpërtheu në skenën ndërkombëtare sezonin e kaluar me Benfikën, duke shënuar 18 gola, por mbi të gjitha u vlerësua për impaktin që kishte në skuadër pasi ishte i përfshirë në organizimin e lojës.
Duke folur për “Tuttosport”, Felix tha:
“Falenderimet shkojnë për “Tuttosport” për këtë çmim, jam shumë krenar. Jam lojtari i dytë nga Atletico Madrid që e fiton këtë çmim dhe jam shumë i lumtur”.
“Golden Boy” e vendosin gazetarët nga vendet e ndryshme të botës. Emrat më të spikatur që e kanë fituar këtë çmim janë: Lionel Messi, Wayne Rooney, Raheem Sterling, Paul Pogba, Anthony Martial dhe Sergio Aguero.
