Shteti ynë është me të vërtetë fantastik. Por jo fantastik, kështu siç mund ta imagjinojë çdo kusht, por i paparë fare.
Ndërsa sot të gjithë janë falenderues që kanë shpëtuar kokat e janë shëndosh e mirë, të tjerë ndihmojnë kë të munden, nxjerrin njerëz nga rrënojat apo i dërgojnë ata me urgjencë në spital. Por policia e Lleshit, në vend që t’u vijë në ndihmë qytetarëve, e ka ndarë mendjen të vendosë gjoba.
Një rast i tillë skandaloz është raportuar pak më parë në redaksinë e JOQ.al. Një qytetare ka dërguar me urgjencë në spital një person që ishte plagosur dhe do t’i duhej të bënte grafi.
Nuk ka saktësuar se ku e ka lënë automjetin vetëm për disa minuta, ndërsa tregon se pasi është kthyer, ka gjetur një gjobë “të parkuar” mbi makinën e saj. Vajza nga Tirana shprehet se nuk i vjen keq për shifrën e gjobës, por për mënyrën se si sillen e se si shteti ynë tenton t’i pijë gjakun çdo qytetari në çdo rast të mundshëm.
Dhe ka të drejtë. Kujt i shkon në mendje të marrë gjobë për “parkim të gabuar” në një ditë qameti si kjo e sotmja? Vetëm policëve të Lleshit, të cilët duhet të mbushin arkën dhe të bëjnë normën ditore.
