Gjyqtari Andri Ymeri, të cilit ju dogj makina gjatë natës nga dy persona ende të pa identifikuar ka folur për mediat pas daljes nga prokurorias e rrethit Shkodër.
Ai u shpreh se duhet të jetë i përgatitur për çdo gjë dhe autorët ta harrojnë se kanë për t’i bërë presion për shkak të detyrës.
“Gjyqtari duhet të jetë i përgatitur për çdo gjë. Në qoftë se kam qenë unë objektivi ta harrojnë se kanë për të më bërë presion për punën time. Nëse kam qenë unë objektivi ka qenë vetëm për shkak të detyrës. Gjyqtari duhet të jetë i përmbajtur dhe i rezervuar nuk jap më tepër komente. Ça kam patur për të thënë i kam thënë institucionalisht.” -deklaroi Ymeri.
