Aktori Jul Deda u përfshi në një debat me moderatoren Fatma Haxhialiu sa i përket sherrit virtual me gazetaren Mira Kazhani.
I ftuar në emisionin “Thumb On” në RTV Ora, Juli bëri të qartë se shkrimi i tij nuk i referohet Mirës, për të cilën thotë se nuk ia ka përmendur emrin në asnjë status. Për këtë, moderatorja Fatma i tha që të kërkonte falje publike, por Juli kishte një kusht.
Jul Deda: Unë këtij personi nuk ia kam përmendur emrin në asnjë status, ajo duke qenë se është një person që gabon shumë e kupton që bëhet fjalë pikërisht për të. Ajo është një batutë, por kur shoh që në të gjithë këtë vorbull, pasi e gjithë graria është lëshuar për të mbrojtur njëra-tjetren, nuk pres që një grua apo femer të dalë të bëjë një shkrim kundër të njëjtës gjini që vuan tek Astiri, që janë rrahur dhe presekutuar. Ti gjejmë një burrë është një batutë që nënkupton se ke nevojë për një paracetamol. Unë nuk u mërzita nga komenti i saj, nuk me preku sepse ishte një përgjigje mllefi.
Fatma: Po të jesh burrë, i kërkon falje publike.
Jul Deda: Unë ti kërkoj falje asaj? Po sikur ti kërkoj falje ajo të gjithë grave të Astirit që i bëri ato, atëherë ia kërkoj unë.
Fatma: Pse Mira Kazhani e ka bërë atë që u bë në Astir?
Jul Deda: Pse unë e thashë atë? E ka thënë Churchill-i.
Por si lindi sherri mes Mira Kazhanit dhe Jul Dedës :
Në rubrikën e saj me “25 rreshtat”, Kazhani shkruante se ajo e Astirit ishte një protestë që nuk gjeti mbështetje në masë, që dështoi në kauzë dhe në formë duke ngjallur antipati tek qytetarët e tjerë. Për këtë shkrim reagoi Jul Deda i cili u shpreh: “Kesaj gazetaruces populiste, qe protesta e banoreve te Astirit i duket deshtim, gjejini nje burre te qetesohet, se gjynah..!”.
Ndërsa Mira nga ana tjetër i tha: “I dashur Juli. Është e vërtetë që nuk kam akoma një burrë. Me sa shoh as gruaja jote nuk ka”.
Aktori nuk e la me kaq dhe iu përgjigj: “Kaq e deshtuar je sa çdo kritike qe shkruhet ne facebook, edhe kur nuk te permendet emri e kupton se behet fjale per ty,”.
