Për shkak të problemeve të shkaktuar nga një stuhi e fuqishme, shkollat në rajonin e Atikës do të qëndrojnë të mbyllura këtë të hënë deri në orën 10:00.
Problemet kanë qenë serioze dhe kanë çuar në vdekjen e dy personave në Antirrio, në Greqinë perëndimore. Punëtorët e shpëtimit nxorën trupat e dy personave nga deri në Antirrio, që ishin në një varkë të vogël që u përmbys.
Shirat e rrëmbyer dhe pirgjet e dheut dhe mbeturinave kanë bllokuar të dy krahët e autostradës Athinë – Korint afër Elifsina si dhe rrugën e vjetër që lidh dy qytete.
Autoritetet thanë se autostrada për në Athinë pritet të hapet më vonë gjatë paradites, ndërsa segmenti për në Korint midis orës 12-13:00 në mesditë.
Një media tjetër, Protothema, njofton se “thuajse e gjithë Greqia është kapluar nga një stuhi e madhe që ka lënë pas rrugë të përmbytura, shtëpi të zhytyr nën ujë dhe zjarrfikësit që po përpiqen të shpëtojnë civilët që janë bllokuar brenda banesave.
Sipas autoriteteve greke, kush ka planifikuar udhëtime për në Peloponez, duhet t’i shtyjë ato.
