Në një intervistë të gjatë për “Corriere dello Sport”, Romelu Lukaku deklaroi që sheh ngjashmëri midis Jose Mourinhos dhe Antonio Contes.
“Ka shumë ngjashmëri midis të dyve, dhe ata janë trajnerët më të mirë që kam pasur në karrierën time. Ata kanë të njëjtat karakteristika, edhe pse përdorin sisteme të ndryshme”.
“Mendoj se kam dhënë më të mirën me këto trajnerë, sepse nëse nuk performon, është e vështirë me ta”.
Ndërsa për postin e ri të Mourinhos te Tottenham, Lukaku deklaron se portugezi do ta bëjë skuadrën londineze një skuadër fituese.
“Jam i lumtur për të dhe mendoj se me Josen në drejtim, Tottenham do të fitojë diçka në 2 vitet e ardhshme, sepse ai është trajner i madh”.
