Ndeshja midis Kukësit dhe Bylisit është mbyllur me rezultatin 2-1 në favor të verilindorëve.
Kukësi kaloi në avantazh në minutën e 20-të, të ndeshjes me anë të Kristal Abazajt, por në përfundim të pjesës së parë, në të 42-ën sulmuesi nga Mali, Saliou Guindo, barazoi rezultatin.
Goli i fitores për ekipin e Kukësit u shënua nga Eduard Rroca, në minutën e 74-ët të ndeshjes, duke i çuar shifrat në 2-1, rezultat i cili nuk ndryshoi deri në fundin e lojës.
Me këtë fitore Kukësi ngjitet në vendin e dytë në kuotën e 21 pikëve duke zbritur një pozicion më poshtë Bylisin që numëron 20 pikë.
Ndërsa në ndeshjen tjetër të luajtur midis Flamurtarit dhe Luftëtarit të Gjirokastrës, gjithçka u mbyll në barazim 1-1, një pikë që nuk i vlen aspak të dyja skuadrave.
