PËRDITËSUAR/ Ora (13:00) Alarmi i rremë
Alarmi për bombë në qendër të kryqytetit rezultoi i rremë.
“Në lidhje me çantën e konstatuar në asfalt, në rrugën ‘Dedë Gjo Luli’ , ku dyshohej se brenda saj mund të kishte lëndë plasëse ju informojmë se: Pas mbërtitjes në vendngjarje të ekspertëve antieksplozit, është bërë kontrolli i saj ku rezultoi se brenda saj nuk kishte lëndë eksplozive por sende personale pune. Nga veprimet e para hetimore dyshohet se kjo çantë është lënë gabimisht në rrugë. Grupi hetimor vijon punën për sqarimin e plotë të rrethanave të ngjarjes”, njoftoi policia.
***
Ora (11:40) Alarm për bombë te sheshi “Skënderbej”
Një çantë e dyshimtë është gjetur pranë sheshit Skënderbe në Tiranë. Çanta ndodhet në hyrje të Bulevardit “Zogu i Parë”. Një qytetar ka njoftuar autoritetet.
Policia ka arritur në vendngjarje dhe ka rrethuar zonën.
Dyshimet paraprake janë se mund të jetë një çantë bombë. Kjo ngjarje ka alarmuar qytetartët e pranishëm.
