Kampioni i pamposhtur i boksit, Floyd Mayweather, i cili ishte tërhequr nga ky sport, në një postim të fundit në rrjetin social “Instagram”, bëri të ditur se do t’i rikthehet sportit, por këtë herë forcat e tij do t’i masë në UFC.
“Do të rikthehem sërish në vitin 2020”, shkruan Mayweather në “Instagram”, ndërsa më herët në një foto me presidentin e UFC-së, Dana White, ai shkruante: “Dana dhe unë po punojmë së bashku për t’i dhuruar botës një event spektakolar në vitin 2020”.
Gjithsesi boksieri amerikan, nuk ka bërë me dije se ku dhe kur do të përballet sërish.
