Një shqiptar ka gjetur vdekjen dhe një tjetër ka mbetur i plagosur në një aksident të rëndë të ndodhur orët e para të mëngjesit të sotëm në Greqi.
Sipas mediave greke, aksidenti tragjik ka ndodhur në autostradën e vjetër Thebes-Livadhia, rreth orës 04:45 të mëngjesit.
Identiteti i viktimës, i cili ishte pasagjer, nuk është bërë i ditur nga autoritetet greke, ndërsa mosha e tij është 49-vjeç.
Makina ku po udhëtonin shqiptarët u përplas nga një kamion, që drejtohej nga një 60-vjeçar grek.
Për shkak të përplasjes së fortë, 49-vjeçari shqiptar vdiq në vend.
Shkak i aksidentit dyshohet të ketë qenë prania e mjegullës në rrugë, por edhe shpejtësia e lartë.
Shoferi i kamionit është arrestuar nga policia greke, ndërsa shqiptari tjetër ndodhet në spital nën kujdesin e mjekëve, jashtë rrezikut për jetën.
