Presidenca ka reaguar menjëherë pas shkarkimit të anëtarit të Gjykatës Kushtetuese, Besnik Muçi.
Në një status në facebook, zëdhënësi i Ilir Metës, Tedi Blushi shkruan:
ZERO SURPRIZË nga vettingu i Partisë. Pas dështimit të rrëmbimit flagrant të Gjykatës Kushtetuese, rikthehet skenari për bllokimin e këtij institucioni nga të njëjtët aktorë që e bllokuan për tre vjet. TURP! TURP! TURP!
Kolegji i Posaçëm i Apelimit shkarkoi nga detyra ish-prokurorin Besnik Muçi, aktualisht anëtar i Gjykatës Kushtetuese, i zgjedhur nga presidenti Ilir Meta. Vendimi u njoftua këtë të enjte, ndërsa Muçi ishte i pranishëm në seancë. Subjekti i rivlerësimit ka kryer deklarim të pasaktë dhe të pamjaftueshëm të pasurisë, u shpreh KPA.
