Ferrari kohët e fundit, ndodhet në vështirësi në aspektin sportiv dhe të rezultateve.
Përveç faktit që i duhet të zgjidhë mosmarrëveshjet midis pilotëve të tyre, Ferrari përfshihet tani në valën e një mashtrimi që nëse do të vërtetohet do të ketë pasoja të rënda për skuadrën.
FIA ka nisur një hetim për sistemin e furnizimit të makinave të liçensuara për të garuar, madje ka sekuestruar për analiza edhe disa pjesë të dyshimta, përmes komisarëve të saj, pjesë të përdorura në garën e fundit në Brazil.
Sistemet e furnizimit do të analizohen në laboratorët e FIA-s, pasi dyshohet se janë modifikuar dhe janë përdorur për të avantazhuar pilotë në krahasim me protagonistë e tjerë në pistë. Edhe pse nuk ka pasur asnjë ankesë zyrtare, disa ekipe të Formula 1 kanë ngritur dyshime sesi Ferrari arrin një shpejtësi jashtë logjikës në vijë të drejtë, diçka që nuk e kishte para ndërprerjes së verës.
