Pak orë pas shkarkimit të Pochetinos, Tottenham emëroi si trajner të skuadrës portugezin Mourinho.
Ndërkohë , presidenti i Tottenham, Daniel Levy në lidhje me caktimin e Jose Mourinho-s si trajner i skuadrës, tha:
“Me Jose kemi marrë një nga trajnerët më të suksesshëm në futboll. Ai ka një përvojë të pasur, mund të frymëzojë ekipe dhe është taktikisht i shkëlqyer. Jose ka fituar trofe në çdo klub që ka drejtuar si trajner”.
“Ne besojmë se ai do të sjellë energji dhe besim në dhomën e zhveshjes”.
Ndërsa vetë portugezi, tha se ishte i lumtur për këtë aventurë të re.
“Jam i lumtur që bëhem pjesë e një klubi me pasuri kaq të mëdha dhe tifozë të tillë pasionantë”.
“Cilësia më emocionon si në ekipin e parë, ashtu edhe në akademi. Puna me këta lojtarë është ajo që më tërheq më shumë”.
