Një 38-vjeçar në Fier është paraqitur me plagë armë zjarri në spital gjatë natës. Hetimet zbuluan se ai është vetëplagosur me pistoletë dhe u vu në pranga për armëmbajtje pa leje.
“Specialistët për hetimin e krimeve në Komisariatin e Policisë Fier, arrestuan në flagrancë shtetasin: E.N., 38 vjeç, banues në Fier. Arrestimi i këtij shtetasi u bë pasi gjatë natës, në një lokal në lagjen ‘29 Nëntori’, është vetëplagosur në dorë me një armë zjarri pistoletë tip TT. Gjatë kontrollit personal ju gjetën 7 fishekë arme zjarri pistoletë të cilat u sekuestruan në cilësinë e provës materiale së bashku me armën e zjarrit. Materialet proceduriale i kaluan Prokurorisë pranë Gjykatës së Shkallës së Parë Fier për veprën penale ‘Armëmbajtje pa leje’”, njoftoi policia.
