Prej disa minutash ka nisur takimi në selinë blu mes kryedemokratit Lulzim Basha dhe ambasadorit të BE-së Luigi Soreca.
Ky takim vjen pak pasi lideri i opozitës doli nga takimi në Presidencë me kreun e shtetit Ilir Meta dhe krerët e partive të tjera aleate të PD.
Basha tha për mediat pas takimit në Presidencë se “jemi në kushtet e një grushti kushtetues”, dhe akuzoi kryeministrin Rama se do të kapë institucionet e drejtësisë dhe Gjykatës Kushtetuese, ku deklaroi se u njojt me prova tronditëse.
“Gjatë takimit me presidentin Meta u njohëm me prova tronditëse të asaj që kemi ditur dhe thënë më përpara: ndërhyrjes flagrante të kryeministrit të vendit në procesin e reformës zgjedhore dhe konkretisht në procesin e emërimit të gjyqtarëve të Gjykatës Kushtetuese”. – deklaroi kreu i PD.
