Një 39-vjeçar në fshatin Drenie të Patosit ka humbur jetën këtë të martë, pas lëndimeve që ka marrë nga përmbysja e zetorit që drejtonte. Viktimë ka mbetur Beniamin Toro.
“Sot rreth orës 11:05, në fshatin Drenie, Patos, mjeti tip ‘Zetor’, me drejtues shtetasin B.T, 39 vjeç, banues në Fier, është përmbysur dhe për pasojë ka ngelur i vdekur drejtuesi i mjetit”, njoftoi policia.
Grupi hetimor po punon për zbardhjen e plotë të ngjarjes, shtuan të njëjtat burime.
