19 skuadra janë të kualifikuara për në Europianin e 2020-ës, një do të zbulohet sonte mes Uellsit, Hungarisë dhe Sllovakisë, ndërsa katër të fundit në përfundim të fazës play off të Ligës së kombeve.
Ndërsa është e përcaktuar dhe ndarja e skuadrave në vazo për shortin e grupeve në Euro 2020, ku në varësi të rezultateve të mbrëmjes së sotme mund të ketë ndryshime të vogla.
Në vazon e parë bëjnë pjesë, Italia, Belgjika, Anglia, Ukraina dhe Spanja, të cilat u rënditën të parat në grupet e tyre, ku kësaj liste do t’i shtohet Gjermane apo Hollanda. Për të qenë e sigurt, Gjermanisë i duhet fitorja me Irlandën e Veriut, ndryshe vendin ia merr Franca.
Në vazon e dytë janë Franca (ose Gjermania) Zvicra, Kroacia, Kroacia, Polonia dhe me shumë mundësi Holanda dhe Austria.
Në vazon e tretë, Rusia, Portugalia, Turqia, Danimarka, Suedia dhe Republika Çeke.
Në vazon e katërt, një mes Hungarisë, Uellsit dhe Sllovakisë, Finlanda dhe katër përfaqësueset që vijnë nga Liga e Kombeve.
Pra, është e kuptueshme që kur të hidhet shorti, mund të kemi grupe “ferri”, si p.sh. Itali, Gjermani (ose Francë, apo Holandë) dhe Portugali të shortuara në të njëjtin grup.
