Qeveria ngrinte zërin se ç’kishte bërë me stadiumin e ri. Por gjithçka doli sheshit në minutat e para të ndeshjes Shqipëri-Francë.
Fusha e stadiumit të ri “Air Albania” u kthye në një tokë të prishur, bari u shkatërrua duke rrezikuar kështu edhe lojtarët të cilët luanin.
Propaganda ra. Më e keqja është se probleme kishte përpara se të niste ndeshja dhe këtë gjë e konfirmon vetë FSHF. Defekti teknik i ashensorëve të stadiumit shkaktoi kaos për personat para dhe tetraplegjik dhe FSHF e pranon.
Një propagandë e rënë poshtë në çdo drejtim. Federata Shqiptare e Futbollit, përmes një statusi në rrjetet social ka sqaruar opinionin publik në lidhje me këtë problematikë, por tashmë e kotë.
Reagimi i FSHF
“Federata Shqiptare e Futbollit dëshiron të sqarojë të gjithë opinionin publik në lidhje me problematikën e ndeshur ditën e djeshme me rastin e ndeshjes Shqipëri-Francë, me personat para dhe tetraplegjik.
Të gjithë personat para dhe tetraplegjik si dhe shoqëruesit e tyre, të cilët vijnë në çdo ndeshje ndërkombëtare pas listës që sjell Shoqata e drejtuar nga Ndrek Ismajli, kanë marrë badge-in përkatës për të hyrë në stadium. Në stadiumin kombëtar janë vendet për këtë kategori dhe shoqëruesit e tyre, tualetet përkatëse dhe çdo facilitet i kërkuar nga standartet ndërkombëtare.
Ditën e djeshme për shkak të një defekti teknik, ashensorët e tyre nuk kanë funksionuar dhe të gjithë personat janë ngjitur në stadium nga vullnetarët, kompania e sigurisë e kontraktuar nga FSHF dhe stafi jonë, duke i mundësuar ndjekjen e ndeshjes në vëndet e tyre,” thuhet në njoftimin e FSHF.
Pak minuta para nisjes së duelit mes Shqipërisë dhe Francës, u krijua një konfuzion me personat para dhe tetraplegjik, të cilët kishin një biletë për të parë ndeshjen e vlefshme për grupet e Euro 2020.
