Mbrëmjen e djeshme, në ndeshjen e fundit për kualifikueset Euro 2020 Shqipëri-Francë në stadiumin e sapoinaguruar “Air Albania Stadium”, kryeministri i vendit Edi Rama i pranishëm në stadiumin e sapoinaguruar “Air Albania Stadium” mori disa mesazhe nga tifozët me anë të banderolave.
Përveç pankartës dhe brohoritjeve në kor “Rama ik”, nuk munguan as mesazhet për Kosovën.
Në një nga parullat që është shpalosur nga tifogrupi “Ilirian Elitë” thuhet “Hiqini duart nga Kosova”.
Nuk dihet se kujt specifikisht po ia kërkojnë tifozët shqiptarë që t’i heqin duart nga Kosova, por kujtojmë se kryeministri Edi Rama akuzohet se është pjesë e planit Thaçi-Vuçiç për shkëmbim territoresh midis Kosovës dhe Serbisë.
Gjithashtu një pankartë u shpalos dhe nga tifogrupi “Plisat” e Prishtinës ku thuhet “Drejtësi për Astritin”, aktivistin e Lëvizjes Vetëvendosje në Kosovë i cili humbi jetën në qelinë e burgut në rrethana ende misterioze.
