Një tjetër aksident me vdekje ka ndodhur këtë pasdite. G.L., 52 vjeç ka ndërruar jetë pasi është përplasur nga një automjet te Mali i Robit, teksa lëvizte me biçikletë.
“Rreth orës 17:40 në rrugën dytësore të Malit të Robit, automjeti me drejtues shtetasin B.F. ka përplasur çiklistin G.L., 52 vjeç. Si pasojë e përplasjes, çiklisti shtetasi G.L. si pasojë e dëmtimeve të marra ka ndërruar jetë në vendngjarje”, njoftoi policia.
Drejtuesi i automjetit shtetasi B.F. është shoqëruar në komisariat për veprime të mëtejshme hetimore, ndërsa grupi hetimor ndodhet në vendngjarje, ku po vijon punën për sqarimin e rrethanave të ngjarjes dhe shkakut të aksidentit, shtuan të njëjtat burime.
Po sot, pasdite, një tjetër aksident me vdekje u shënua në Elbasan.
