Sot vijojnë takimet për kualifikueset e “Euro 2020”, ku dallojnë ndeshjet e Grupit D, aty ku gjithçka është e hapur.
Danimarka e cila kryeson grupin në kuotën e 15 pikëve, do të ketë një përballje të vështirë në transfertë ndaj Irlandës e cila renditet e treta me 12 pikë të grumbulluara.
Ndërsa Zvicra që mban vendin e dytë me 14 pikë ka një ndeshje të lehtë në letër në transfertë ndaj Gjilbratarit, e cila në shtatë ndeshje të zhvilluara nuk ka marrë asnjë pikë.
Në ndeshjet e tjera, Italia e cila dominon Grupin J, me pikë të plota në nëntë ndeshje të luajtura, luan në shtëpi ndaj Armenisë dhe do të kërkojë fitoren për të mbyllur kualifikueset me rezultate perfekte.
Ndërsa në grupin F, nuk ka më histori, aty ku Spanja dhe Suedia kanë siguruar kualifikimin, iberikët presin Rumaninë në shtëpi, ndërsa Suedia luan ndaj modestëve e Ishujve Faroe.
Takimet zhvillohen të gjitha në orën 20:45.
