Ish-ministri i Brendshëm Saimir Tahiri, është shfaqur së fundmi në një nga lokalet e natës në kryeqytet duke performuar me muzikë live.
Ai shfaqet përkrah këngëtares Aurela Gaçe duke kënduar disa këngë, dhe në asnjë moment nuk ka shfaqur lodhje, qoftë edhe vokale. Në një moment duetit të tyre i është bashkuar dhe këngëtari tjetër Erik Lloshi.
Nuk është hera e parë që Tahiri na i tregon talentin e tij në muzikë, pasi ai është filmuar dhe herë të tjera.
https://www.youtube.com/watch?v=h2Oeh73qS-I&feature=youtu.be
Kujtojmë se rreth një muaj më parë, Tahiri u dënua nga gjykata e Krimeve të Rënda, me 3.4 vite burg për “Shpërdorim detyre”, që është konvertuar në shërbim prove.
Por prokuroria kërkoi 12 vjet burg për të (që do të reduktoheshin në vetëm 8 vjet, për arsye të pranimit të kërkesës për gjykim të shkurtuar), bazuar në akuzat për tre vepra të rënda penale “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”, në kuadër të dosjes “Habilaj”.
