Presidenti i republikës Ilir Meta, pas sfidës Shqipëri-France, ka sqaruar shqiptarët dhe tifozët kuq e zi, se përse ai mungoi në këtë ndeshje e cila përkonte dhe me stadiumin e ri ‘Air Albania’.
Me anë të një postimi në Facebook, Meta shkruan se ai nuk mund të shkonte në një stadium i cili sot nuk mban emrin e Qemal Stafës.
Ja postimi i Metës:
Të dashur tifoza Kuq e Zi!
Sot keni shkëlqyer me entuziazmin tuaj të pandalshëm, duke treguar se tifozët më të mirë janë ata që brohorasin ekipin edhe më shumë kur është në disavantazh. Sot nuk isha dot midis jush sepse jam i palumtur për heqjen e padrejtë të emrit të stadiumit tonë kombëtar për arsye komerciale! Por kjo nuk do të thotë se nuk do vij në të ardhmen. Pasi ne të gjithë do themi si gjithmonë: “Do shkojmë në Qemal Stafa!”
Shpresojmë të mos dëgjojmë ndonjë iniciativë të marrë për t’i ndërruar emrin dhe vendit për arsye komerciale.
Nderim për të gjithë ata që luajtën me nder me fanellën kuqezi në “Qemal Stafa” për mëse shtatë dekada! 👐🇦🇱
