Rovena Dilo është një nga zërat më të dashur të muzikës shqiptare. Këngëarja nuk ka ngurruar të flasë mbi lojën e pistë që iu bë konkurimit të saj në Festivalin e Këngës. Rovena ka thënë se kryetarja e jurisë Vaçe Zela për këngën e saj “Ante” e vlerësoi me pikët maksimale, por theksoi se loja e nëndheshme u bë brenda festivalit të RTSH-së. Ndër të tjera Rovena Dilo rrëfeu se përse kënga e saj “Ante” nuk u fut në konkurrim në natën finale duke u shprehur se aty ekzitojnë klane të caktuara që ta bëjë të vështirë rrugën.
“Vaçe Zela kishte menduar të ma jepte mua vlerësimin maksimal, 20 pikë, si kryetare e jurisë, pasi si e tillë ajo jepte 20 pikë në raport me 10 pikë që jepnin anëtarët e tjerë. Ndërkohë siç duket, si në çdo festival që ka lojëra të nëndheshme, unë nuk duhej të isha natën e fundit ndaj dhe nuk dola në konkurrim natën e fundit, duke mos prishur punë të klaneve të caktuara që ekzistonin dhe vazhdojnë të ekzistojnë. Këngët e mira gjithmonë vlerësohen, dhe këngëtarët e mirë gjithmonë mbeten. Nuk ka çmim në botë që ti ç’bëj ata”, ka thënë ajo.
“Festivali i 58-të i RTSH-së” do të jetë edhe këtë vit ku do të marrin pjesë emrat më të muzikës shqiptare. Fituesi i festivalit të këtij viti do të na përfaqësojë ‘Eurovision’. Ky festival do të jetë i organizuar nga Alketa Vejsiu dhe Vera Grabocka. Siç të gjithë e dimë, Vejsiu do të jetë moderatorja e Grabocka regjizorja. Ndër emrat që mendohet të ndezin skenën, janë Elvana Gjata dhe Robert Berisha. Pak ditë më parë çifti i artistëve shqiptarë kompozitorja Diana Ziu dhe aktori Vangjel Toçe akuzojnë regjisoren Vera Grabocka dhe muzikantin Zhani Çiko se e kanë përcaktuar se kush do ta fitojë festivalin, Elvana Gjata.
Madje Diana Ziu i është drejtuar me një letër edhe kryeministrit Edi Rama ku i thekson se Vera Grabocka në këtë festival po bën abuzime. Rovena Dilo nuk është e vetmja që ankohet për pazare të pista nga Festivali i Këngës pasi edhe Erik Lloshi ka shprehur pakënaqësitë e tij. Eriku tha se kënga e tij u refuzua të bëhet pjesë e listës së këngëve të tjera pjesëmarrësese dhe ky është një vendim i padrejtë. Gjithashtu zbuloi se në festival ka kompozitorë të huaj, gjë që nuk është e lejueshme.
