Italia udhëton në Bosnje Hercegovinë, në kërkim të fitores së 9-të radhazi në këto kualifikime të Europianit.
Nën menaxhimin e Roberto Mancinit, “azurrët” janë një nga dy skuadrat të cilat i kanë fituar të gjitha ndeshjet e luajtura deri më tani, ku skuadra tjetër është Belgjika.
Italia vjen në këtë ndeshje e kualifikuar, dhe e sigurt në vendin e parë, ndërsa për Bosnjen është një ndeshje ku kërkohet vetëm fitorja, për t’i mbajtur të gjallë shpresat për një kualifikim të mundshëm.
Në konferencën për shtyp të mbajtur, trajneri Mancini deklaron:
“Bosnja ka fituar gjithmonë në këtë stadium por ne duhet të vazhdojmë këtë ecuri pozitive që kemi. Nëse na mundin, do t’i urojmë, por për ta bërë këtë ata duhet të luajnë mirë”.
Ndeshja zhvillohet mbrëmjen e sotme, ora 20:45.
