Këngëtari i njohur Egzon Pireci, i cili ka qenë pjesë e “The Voice of Albania”, ishte i ftuar në studion e “Ftesë në 5” me Bieta Sulon, për të promovuar albumin e tij më të ri.
Ai tha se është bërë pjesë e tregut të muzikës popullore, pasi kjo sipas tij i siguron më shumë të ardhura.
I pyetur nga Bieta, ai pranoi se shpeshherë bën edhe muzikë popullore, pasi është një zhaner që përqafohet më shumë nga publiku.
Duke bërë humor ai tregoi se kredinë arriti ta paguante brenda një viti me paratë e fituara nga dasmat.
“Me thënë të drejtën një kredi që kam provuar ta paguaj me rrogë por nuk ia dola u desh që të dilja me popullore që ta shlyeja për një vit”, tha këngëtari.
Epo kjo duket më tepër si një rrëfim i sinqertë sesa një shaka nga ana e Egzonit.
