Prej kohësh, kampionë e Italisë shohin si zëvendësues të legjendës Gigi Bufon, një tjetër Gigi, Donnarumman, portier titullar aktualisht te Milani por dhe te Azzurët.
Mosha e tij, bën që ty shtyjë më shumë bardhezinjtë që ta ofrojnë në ekip, pasi garanton vite të tëra si titullar.
Juventusi në fakt e tentoi edhe në verën e vitit 2016, por nuk ia doli. Gjithsesi, interesi është rikthyer dhe kampionët e Italisë e kanë një plan.
Gazzetta dello Sport shkruan se Juventusi do të tentojë në merkaton e verës. Donnarumma ka edhe 19 muaj kontratë, pra vlera në treg rrjedhimisht i zbret, kështu që Juventusi mund të rregullonte bilancet e “Djallit” me blerjen e tij.
Drejtuesit e Juves po planifikojnë që t’i ofrojnë Milanit edhe një lojtar në shkëmbim, mundësisht mbrojtës qendre, aty ku Milani po vuan aktualisht. Mino Raiola nuk duket kundër.
