Elseid Hysaj, pas barazimit zhgënjyes 2-2, të Shqipërisë me Andorrën, dha një intervistë për “kuqezi” në Supersport, ku deklaroi:
“Duhet të ishim më të fortë nga ana e mentalitetit në fushë dhe të vazhdonim lojën ashtu si e nisëm. Mendoj se e morëm disi lehtë dhe u ndëshkuam në dy momente, duke mos arritur më pas të përmbysim rezultatin”.
Ndërsa i pyetur për ndeshjen me Francën, dhe se si mund t’i shmangim gabimet e bëra në këtë ndeshje ndaj “gjelave”, ai përgjigjet:
“Ajo do të jetë një ndeshje tjetër, pasi të gjithë lojtarët mezi e presin dhe janë gati të luajnë me përqendrim e të japin më të mirën. Vetë kundërshtari të jep një tjetër motivim dhe jam i bindur që do të bëjmë një ndeshje tjetër”.
