Kreu i KED, Ardian Dvorani ka reaguar pas deklaratave të Metës, se do depozitojë ndaj tij kallëzim penal ndaj tij.
“Unë, si çdo shtetas dhe funksionar tjetër, i nënshtrohem Kushtetutës dhe ligjeve penale të vendit tim. Edhe këtë detyrim duhet ta pranoj si kushdo tjetër, pa u justifikuar dhe pa u shmangur me lojra mediatike dhe procedurale përballjes me ligjin, një fenomen ky që jo pak herë ka ndodhur me njerëz të pushtetshëm në çdo kuptim të fjalës”, shpreht Dvorani.
Reagimi i Dvoranit
“Në media po mësoj se zoti President, ka vendosur apo po mendohet në fundjavë e deri të hënën, që të bëjë kallzim penal ndaj meje. Së paku, vërej se, si çdo shtetas a funksionar tjetër, më në fund e në këtë rast, Presidenti po e ushtron një të drejtë që, gjithsesi, Kushtetuta dhe ligji ia njeh kujtdo. Ndërsa unë, si çdo shtetas dhe funksionar tjetër, i nënshtrohem Kushtetutës dhe ligjeve penale të vendit tim. Edhe këtë detyrim duhet ta pranoj si kushdo tjetër, pa u justifikuar dhe pa u shmangur me lojra mediatike dhe procedurale përballjes me ligjin, një fenomen ky që jo pak herë ka ndodhur me njerëz të pushtetshëm në çdo kuptim të fjalës. Respektimi i barazisë para ligjit dhe zbatimi i tij i barabartë për të gjithë ishte nevoja dhe një nga sfidat më të mëdha për të cilën u miratua dhe po fillon të zbatohet hap pas hapi Reforma në Drejtësi”, thuhet në reagimin e plotë.
Meta kallëzon penalisht Dvoranin e KED
Më herët gjatë kësaj të premteje, Presidenti Ilir Meta ka njoftuar se do të depozitojë në prokurori kallëzim penal ndaj kreut të KED Ardian Dvorani. Kallëzimi lidhet me procedurën e vakancave të anëtarëve të Gjykatës Kushtetuese nga Këshilli i Emërimeve në Drejtësi. Sipas Metës, Dvorani ka shkelur ligjin.
“Dëshiroj t’iu bëj të ditur vendimin tim si President i Republikës dhe kryetar i shtetit për të paraqitur ditën e hënë kallëzim penal si President kundër zotit Ardian Dvorani me detyrë kryetar i KED. Unë si President i Republikës dhe kryetar i shtetit e akuzoj për këto vepra penale: Shpërdorim detyre dhe përvetësim i titullit apo detyrës shtetërore”, tha Meta në një deklaratë për mediat nga Presidenca.
“Për veprën penale të përvetësimit të titulli apo detyrës dënohet me gjobë ose deri në dy vite burg. Kryerja e veprimeve apo mos veprimeve që ushtron funksionale publike dhe kanë dëmtuar interesat e shtetit dënohet me burgim deri në 7 vite. Kemi parasysh shpërdorimi i detyrës, kryerja apo mos kryerja me dashje e veprimeve apo veprimeve në kundërshtim me kushtetutën është e rëndë. Në këto kushte i njohur me këto fakte. Dorëzimin do ta bëjmë ditën e hënë për të shqyrtuar për prova të tjera apo persona të tjerë që mund ta meritojnë të merren në përgjegjësi penale. Prokuroria të tregojë integritet, pasi një ditë do të bëhet i pashmangshëm. Ai vendim që ishte botuar në 22 shtator që ishte thjeshtë për njoftimin për pikëzimin dhe që është ribotuar sërish. Prokuroria të hetojë dhe dokumentacionin mes KED-së dhe Kuvendit që të shmangë zonja Vorpsi si e vetëshpallur dhe të zgjidheshin dy zonjat e tjera”, shtoi.
https://boldnews.al/lajm-i-fundit-presidenti-meta-kallezon-penalisht-dvoranin-e-ked/
