Anëtari në Institutin e Studimeve Humane, Sebastian Zonja, nëpërmjet një postimi në Facebook, ka treguar se këtë javë në Tiranë ishte planifikuar të botohej një studim i thelluar mbi bashkimin kombëtar.
Sipas tij, publikimi i studimit, edhe pse çdo gjë ka qenë gati, është anuluar një natë para pa dhënë asnjë sqarim dhe nge pikpyetjet se Pse u anulua publikimi i këtij studimi? dhe Pse po mbahet i fshehtë dhe nuk po i tregohet publikut shqiptar?
Sipas sondazhit, 75% e shqiptarëve ishin pro bashkimit të trojeve të Shqipërisë me Kosovën
Postimi i plotë:
‘75% e shqiptarëve pro Bashkimit Kombëtar. Anulohet publikimi i studimit.’
Këtë javë në Tiranë ishte planifikuar të botohej një studim i thelluar, ku kanë marrë pjesë shumë organizata të shoqërisë civile në Shqipëri e Kosovë, mbi bashkimin kombëtar.
Publikimi i studimit, edhe pse çdo gjë ka qenë gati, është anuluar një natë para pa dhënë asnjë sqarim. Më poshtë kam vendosur një fotografi të njërës prej faqeve të studimit që nxjerr se në sondazhin e kryer 75% e shqiptarëve të Shqipërisë do kishin votuar në favor të bashkimit Shqipëri – Kosovë nëse do ishte mbajtur një referendum. Studimi trajton me sondazhe edhe shumë tema të tjera që deshmojnë se shqiptarët janë kundër idesë së shkëmbimit të territoreve me Serbinë, dhe kundër mini-Schengenit, pasi kërkojnë integrim dhe bashkim kombëtar, dhe jo bashkim me Serbinë.
– Pse u anulua publikimi i këtij studimi?
– Pse po mbahet i fshehtë dhe nuk po i tregohet publikut shqiptar?
