Gazetari dhe analisti Andi Bejtja nuk i ka kursyer ironitë, pas betimit të Arta Vorpsit tek noterja si anëtare e Gjykatës Kushtetuese.
‘Shumë shpejt do vi koha që edhe anëtarët e Gjykatës së Lartë psh, të betohen te Abi Bank, ose te ndonjë pikë karburanti…’, shkruan Bejtja, në një postim në rrjetet sociale.
Reagimi i plotë i gazetarit
“Nuk e kuptoj pse habitet ky popull që u betua tjetra te noteri: partia që është në pushtet ka kohe që përhap filozofinë ‘Presidenti është thjesht noter’….
Dhe nuk ka si të ndodhe ndryshe kur Presidenti është Noter, Noteri të mos bëhet President…. E beri dhe këtë kjo ‘Reforme ne Drejtësi’:
Noteri përfaqëson Unitetin e Popullit…
Shumë shpejt do vi koha që edhe anëtarët e Gjykatës së Lartë psh, të betohen te Abi Bank, ose te ndonjë pike karburanti…”, shprehet gazetari.
Më herët gjatë kësaj të enjteje, me një akt të paprecedentë, Arta Vorpsi është betuar te noterja si anëtare e Gjykatës Kushtetuese. Neni 129 i Kushtetutës e përcakton qartë se “Gjyqtari i Gjykatës Kushtetuese fillon detyrën pasi bën betimin para Presidentit të Republikës”. Por duke hasur refuzimin e Metës, Vorpsi ka zgjedhur një rrugë krejt të pazakontë.
