Policia në bashkëpunim me Interpol Tirana kanë arrestuar një shtetas shqiptar të shpallur në kërkim ndërkombëtar nga drejtësia Italiane.
Personi i vënë në pranga është Ardjan Nexhipi 51 vjeç, lindur në Cakran, Fier dhe banues në Tiranë.
Ai u vu në pranga në rrugën e Dibrës gjatë operacionit të koduar “Muzgu”.
Ndaj këtij shtetasi, autoritetet gjyqësore italiane kanë lëshuar urdhër-arresti ndërkombëtar, për veprat penale “Shfrytëzim i prostitucionit” dhe “Emigracion i paligjshëm”.
Veprimet e mëtejshme për ekstradimin e këtij shtetasi drejt shtetit italian do të kryhen nga Interpol Tirana, në bashkëpunim me Interpol Romën.
