Pas Elsa Toskës dhe Marsida Xhaferllarit, radhën për të vënë dorën mbi Kushtetutë e pati Fjona Papajorgji. Në orën 20:00 ashtu si edhe ishte parashikuar, Papajorgji u betua para Presidentit të Republikës. Pas kësaj faze tre anëtaret e reja të Gjykatës Kushtetuese do të duhet të paraqiten në punë për të nisur detyrën e tyre të re. Ndërkohë nga ana tjetër Kuvendi i Shqipërisë pritet që nesër të miratojë një rezolutë me qëllim për të zhbllokuar ngërçin e krijuar.
Në ketë mes është edhe emri i Atrta Vorpsit, e cila kaloi automatikisht si anëtare e Kushtetueses, për të plotësuar një nga vakancat e Presidentit. Por ky i fundit nuk e pranoi kandidaturën e Vorpsit. Sot në mëngjes Vorpsi e ndodhur në kushtet e refuzimit të Presidentit, zgjodhi të kryente një nga veprimet më të çuditshme. U paraqit para një notereje duke firmosur një deklaratë ku shprehej se ishte betuar për të ushtruar detyrën si gjyqtare në Kushtetuese. Veprimi i Vorpsit u konsiderua anormal nga të gjithë juristët, të cilët deklaruan se ajo në këtë rast ishte përdorur nga politika.
Njoftimi i Presidencës
Betohet para Presidentit të Republikës anëtarja e re e Gjykatës Kushtetuese, znj.Fiona Papajorgji
Në Institucionin e Kreut të Shtetit u zhvillua sonte ceremonia e betimit përpara Presidentit të Republikës, Sh.T.Z. Ilir Meta, të anëtarës së re të Gjykatës Kushtetuese, znj. Fiona Papajorgji.
Ky është plotësimi i vakancës së dytë të Kuvendit që zëvendëson ish-gjyqtarin, z.Bashkim Dedja.
Duke vendosur dorën mbi Kushtetutën e Shqipërisë, gjyqtarja Papajorgji u betua para Presidentit Meta:
“Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë!”
Presidenti Meta i uroi shumë suksese dhe punë të mbarë në këtë detyrë shumë të rëndësishme.
