Ish-kryeministri Sali Berisha e ka cilësuar një akt qesharak sa as edhe humoristi më i shquar nuk do mund të bënte atë që bëri Arta Vorpsi.
I ftuar në Abcnews, Berisha i dërgoi një mesazh Vorpsit, duke i thënë të largohet nga drejtësia dhe të futet në politikë, pasi ky ishte një akt militantesk.
‘Kjo ushton një nga ngjarjet më të paimagjinueshme për një shtet të cilin as George Oerwoll dhe as humoristët më të shquar, as Agim Xhafka nuk mund ta imagjinonte se mund të ndodhte, kur një kandidate për anëtare të gjykatës Kushtetuese zgjedh noterin për të bërë betimin Kushtetues, jashtë çdo standardi.
Nga të gjithë kandidatët që janë aty unë kam patur jashtëzakonisht mendim pozitiv për zonjën Vorpsi, dua ti çoj këtë mesazh, nëse ta diktoi Rama nga Londra këtë skemë për të poshtëruar presidentin është shumë keq, nëse e ke bërë vetë është dy herë më keq. Gjëja më e mençur që mund të bëjë ajo duhet të largohet njëherë e përgjithmonë nga drejtësia dhe të kalojë në politikë. Sot në mbarë Europën ushton kjo fagmë që në Shqipëri gjyqtarët Kushtetues betohen tek noteri’, deklaroi Berisha.
