Moderatorja e njohur Dajana Shabani është prej kohësh në një histori dashurie me boksierin Kamer Maloku ndonëse janë përfolur shpesh për një ndarje të mundshme. Që nga momenti kur Dajana e bëri publike lidhjen, ajo është komentuar shumë në media dhe shpesh ka rënë pre e kritikave të ndryshme.
Kanë qarkulluar fjalë se moderatorja i ka dhënë fund martesës së mëparshme, nga e cila ka dhe një vajzë, për boksierin muskuloz. Këto fjalë nuk janë pritur aspak mirë nga Dajana e cila ka vendosur të reagojë për t’ua mbyllur gojën të gjithëve.
Dajana ka sqaruar se nuk është pa karakter që të prishë familjen e saj për një mashkull tjetër. “Nuk kam lënë burrin për një tjetër, se nuk jam aq pa karakter sa të prish familjen për pasion”, ka shkruar Shabani në një postim në InstaStory.
