Kryeministri izraelit, Benjamin Netanyahu iu drejtua sot Xhihadit islamik, grup islamik palestinez që ka rritur numrin e lëshimit të raketave që nga Gaza drejt Izraelit, duke i kërkuar ndërprerjen e sulmeve.
“Ndërprisni sulmet, ose do të merrni akoma më shumë goditje”, theksoi sot kryeministri izraelit, Benjamin Netanyahu duke iu drejtuar Xhihadit islamik, grup islamik palestinez që ka shtuar sulmet me raketa që nga Gaza drejt Izraelit.
Kryeministri e bëri këtë deklaratë në fillim të një takimi të Kabinetit të Sigurisë dhe ndërkohë që forcat izraelite kanë shtuar sulmet e përgjakshme kundër pozicioneve të Xhihadit islamik, që ka lëshuar më shumë se 250 raketa nga Gaza drejt Izraelit, sipas të dhënave të ushtrisë izraelite.
