Policia italiane ka vënë në pranga ditën e sotme një grup grabitësish shqiptarë, të cilët merreshin me vjedhje vilash. Ata janë identifikuar dhe më pas janë arrestuar në zonën e Marcianise në Casterta të Napolit.
Shqiptarët akuzohen për vjedhje të sendeve me vlerë të banesave shumëkatëshe. Ata u ndaluan nga Policët e Seksionit Operacional të Kompanisë së Marcianise brenda një makine me qera. Sipas mediave italiane, në makinë u gjendën 4 mijë euro para të thata.
Pas kësaj policët italianë kanë kontrolluar edhe banesat e “skifterëve” shqiptarëve, ku kanë gjetur sende me vlerë, ar dhe para. Pas hetimeve doli se grupi shqiptar ishte përgjegjës për të paktën dy grabitje të kryera në Rotondi në 28 tetor dhe 5 nëntor. Shqiptarët do të përgjigjen para gjyqit për akuzat.
