Griseldo Kusi, në kërkim për vrasjen e Indrit Çelajt në kryeqytet rreth 4 muaj më parë, është vetëdorëzuar në policinë e Tiranë.
Burime bëjnë me dije se Kusi, 31 vjeç është vetëdorëzuar mesditën e sotme në Drejtorinë e Policisë Tiranë, pasi ishte shpallur në kërkim për vrasjen e teknikut të kondicionerit, bashkë me të vëllain e tij. Griseldo Kusi ka shkuar në Policinë e Tiranës i shoqëruar nga avokati i tij.
Sipas hetimeve: Indrit Çelaj, 26 vjeç, nga Mallakastra, punonte në banesën e babait të tyre, Bujar Kusit, ndërkohë që rrjedhja e ujit nga tubi i kondicionerit i mori jetën.
Më 22 gusht 2019, rreth orës 11 e pak minuta, Indrit Çela ka patur një debat verbal me të dy vëllezërit për rrjedhjen e ujit. Ai i ka kundërshtuar dhe në këtë moment, njëri prej tyre ka nxjerrë armën, tip pistoletë dhe e ka qëlluar me plumb në kokë.
Menjëherë pas e qëlluan, të dy vëllezërit i kanë bërë presion shokut të Indritit, Lorenc Veliajt për të marrë përsipër krimin. Gjatë marrjes në pyetje në Polici, Çaka ka bashkëpunuar dhe ka treguar versionin e tij të ngjarjes.
Pas zbulimit të krimit, të dy djemtë e Bujar Kusit u zhdukën duke mos u paraqitur në Polici. Autoritetet shqiptare lëshuan urdhër-arresti në mungesë, ndërkohë që gjatë kërkimeve për ta, në pranga ra edhe xhaxhai i dy djemve pasi iu gjet një armë kallashnikov pa leje.
