Trajneri i Francës, Didier Deschamps, nuk mendon se fitorja me kombëtaren shqiptare, që do të luhet më 17 nëntor do të jetë e lehtë.
Tekniku francez, për ta përforcuar këtë thënie, ka kujtuar vitin 1993, për t’u treguar lojtarëve të tij se duhet të luajnë fort kundër nesh.
“Problemi im më i madh në këto ndeshje është motivimi i lojtarëve, sepse mediat presin fitore të padiskutueshme. Nuk e harroj dhimbjen e vitit 1993, kur u eliminuam në fund”, – tha trajneri.
“Ne nuk duhet të mendojmë se jemi të kualifikuar, pasi ende nuk ia kemi dalë, por të bëjmë detyrën, të jemi vigjilentë. Ndeshjet ndaj Moldavisë dhe Shqipërisë nuk do të jenë një formalitet. As nuk duhet të mendojmë për vendin e parë. Të japim maksimumin dhe kaq”. – përfundoi Deschamps.
