Aktori i humorit Rezart Veleshnja ka shprehur së fundmi revoltën ndaj emrit që ka marrë pas rikonstruktimit ish-stadiumi Qemal Stafa.
Në një postim në rrjetin social “Instagram”, ku duket fotografia e Qemal Stafës, ka shkruar: Për ca lekë përdhosën emrin tënd o i nderuar Qemal Stafa. Vdiqe me nder, o i madh Qemal! Ne po na vrasin për së gjalli. Ike nga stadiumi, madje edhe nga gjimanzi do të të heqin, se kanë paguar lekë edhe aty.
Stadiumi do të quhet “Air Albania”, sikurse kompania e fluturimeve që bleu për 3.2 milionë euro të drejtën e emrit. Marrëveshja e shitjes së emrit i shtohet serisë së marrëveshjeve të dyshimta dhe jo transparente mes qeverisë, privatëve dhe FSHF-së.
Risjellim ndërkohë në vëmendje se Rezart Veleshnja është ndër personat publikë që e kritikon më së shumti qeverinë Rama.
