“Shiko kush luan”, ftoi këtë të shtunë (9 nëntor) Samanta Karavellën në emision. Ajo u pyet se me cilët këngëtarë do të donte të bashkëpunonte – ku përmendi Ardit Gjebrean dhe Aurela Gaçen – si edhe dy këngëtarët që nuk do të donte të bashkëpunonte kurrë.
Emri i parë ishte Ronela Hajati dhe në fakt këtë emër prisnim të gjithë. Emri i dytë ishte Young Zerka. Pritej edhe ky gjithashtu. “Njëra është Ronela. Meqë jam qëlluar javën e kaluar pa arsye, Young Zerka, faleminderit!” tha Samanta.
Javën e kaluar (2 nëntor), Young Zerka u shpreh në “Shiko kush luan” se Samanta nuk e meriton famën që ka. Pas incidentit, Samanta thumboi në Instagram Ronelën dhe Zerkën.
