Qëndra Rinore Sebastia është organizata më e re jo fitimprurëse në rrethin e Kurbinit e cila ka si fokus integrimin dhe fuqizimin e të rinjve të këtij rrethi. Çështja e rinisë duket shumë e zakonshme për qytetet e tjera, por nuk ndodh kështu edhe me Laçin. Jo shumë në raste Laçi behët pjesë e organizimeve të tilla rinore dhe sociale. Kjo qendër vjen si nevoje e menjehershme duke pasur parasysh humbjen e shpresës dhe mungesën e dëshirës tek të rinjtë për të menduar një të ardhme në vendin e tyre. Pengesat e mëdha ekonomike, aksesi i kushtueshem në formin / trajnim, përjashtimi nga vendimarrja, mungesa e vendeve sociale dhe edukuese, mungesa e vendeve të argëtimit dhe i aktiviteteve alternative kanë krijuar tek të rinjtë në Kurbin një gjendje apatie, dizenteresimi dhe mosbesimi ndaj komunitetit dhe institucioneve.
Qëndra Sebastia me aktivitetet e saj synon të krijojë një ambient harmonik, formues dhe informues për të rinjtë, një ambient që do jetë alternative që do të zevëndesojë kafenetë, bilardot apo harxhimin e kohës së lirë në përdorimin e padobishem të celularit.
Qëndra Sebastia synon të operoje në rrafshin social-kulturor dhe ekonomik të të rinjve përmes aftësimit të tyre për jeten, informimit, këshillimit, orientimit, ndërgjegjësimit të tyre dhe të shoqërise mbi të drejtat e të rinjve, lobimit për këto të drejta dhe ndermjetësimit për punësim.
Kjo qënder ka realizuar dje takimin e parë me pjesëtaret e bordit drejtues, të cilët janë angazhuar të kontribojnë në këtë nisme me mjetet dhe informacionet që ata disponojnë. Mes pjestarëve të Bordit Drejtues kemi të rinj aktiv në biznes, nëper organizata jo-qeveritare dhe qeveritare, sipërmarrës të rinj dhe profesioniste që do të ofrojnë shërbimet e tyre në ndihmë të përfituesve.
Qëndra e shikon si shumë të rëndësishme partnershipin dhe ka krijuar tashme partneritet me organizata të tjera të ngjashme që operojnë në këtë fushe dhe janë përgjegjëse për rininë dhe është gjithmonë e hapur për bashkëpunime të tjera me organizata qeveritare dhe jo-qeveritare që bashkëndajnë vizionin që shoqata ka për të ardhmen e Rinisë në mënyrë që të zgjerojmë sa më shumë fushën dhe mundesitë e zbatimit.
Stafi i Shoqatës dhe bordi drejtues janë tashmë të angazhuar në komunitet në profesionet përkatëse dhe kanë zgjedhur që një pjesë të mirë kohës së tyre t’ua kushtojnë aktivizmit në komunitet, pasi vetem duke u takuar e diskutuar për nevojat që komuniteti ka është i mundur dhe plotësimi i këtyre nevojave. Është e domosdoshme që boshlleqet që jo rrallë herë lënë institucionet të kuptohen, të kërkohen dhe bashkarisht me shoqërinë aktive të plotësohen.
Kjo qënder ka vendosur të reagoje për të mirën e komunitetit të saj, për ngritjen e kapaciteteve, rritjen e shpresës, zhvillimin e jetës sociale, rritjen e nderveprimit social dhe promovimin e vlerave dhe pret që këtij reagimi t’i bashkohen dhe shumë të rinj dhe të reja që duan të jetojnë mirë në vendin e tyre, pa e projektuar të ardhmen larg familjeve të tyre.
